Pas shumë përpjekjeve që u bënë për të filluar me takimin e të rinjëve të shoqatës “BASHKIMI”, më në fund filloi ky aktivitet i shumëpritur edhe atë nga data 11.10.2014, me fillim në ora 19:00.
Takimin e hapi vetë iniciatori i këtij projekti z. Menderez ef. Alili, imam në Xhaminë Bashkimi, duke treguar për rolin e këtyre takimeve dhe rëndësinë e tyre, por para se të fillojë me ligjeratën që kishte përgatitur, së pari e hodhi në votim emrin që do ta mban ky projekt. Të pranishmit njëzëri zgjedhën, njëkohësisht e emëruan projektin: “Rinia, forca e ndryshimit”.
Projekti parasheh ligjerata per te rinjtë ne çdo të dytën javë (dite e shtune), nuk do mbahet çdo javë duke pas parasysh se ekzistojnë edhe aktivitete tjera të cilat mund edhe të pengoheshin, ndërsa për kohen e takimeve të interesuarit do të jenë të informuar.
